Магутны Божа! Уладар сусьветаў, 

Вялікіх сонцаў і сэрц малых,

Над Беларусяй, ціхай і ветлай

Рассып праменьні Свае хвалы.

Дай спор у працы, будзённай, шэрай.

На хлеб штодзённы, на родны край.

Павагу, сілу і веліч веры

У нашу праўду, у прышласьць - дай.

Дай урадлівасьць жытнёвым нівам,

Учынкам нашым пайшлі ўмалот.

Зрабі свабоднай, зрабі шчасьлівай

Краіну нашу і наш народ!

Па  заканьчэньні  Літургіі  быў  адпраўлены  Малебен   за   ўсю  беларускую  моладзь,  якая  змагаецца  за  незалежнасьць   нашай  Бацькаўшчыны.

Ва ўмовах жорсткага таталітарнага рэжыму моладзь Беларусі падвяргаецца найбольш ганебнаму пераследванню за любоў да сваёй Радзімы, сваіх сьвятых нацыянальных сімбалаў бел-чырвона-белага сьцягу ды герба Пагоні, сваёй роднай беларускай мовы... Маладыя людзі, якія хочуць каб іхняя краіна адпавядала міжнародным цывілізаваным стандартам дэмакратыі, найбольш церпяць ад дыктатуры. Іх падвяргаюць зьбіццю, сажаюць у турмы…

Жыве Белрусь !!!

  Ліна  Сагановіч

Відэа 01 - Алілуя 

Відэа 02 - Магутны Божа