27-га лістапада Беларусь азначае 91-ую гадавіну выступленьня слуцкіх ваяроў, якія змагаліся за магчымасьць жыць у сваёй уласнай дзяржаве. Супраць бальшавіцкай улады выступілі тысячы беларускіх мужоў, якія далучаліся да беларускага войска, каб бараніць ідэалы Беларускай Народнай Рэспублікі (БНР).

У нядзелю 4-га сьнежня 2011 года мы сустрэнемся, каб аддаць даніну павагі адважным людзям, якія загінулі падчас ваеннага выступленьня на Случчыне, дзе яны выступілі са зброяй у руках для абароны беларускай нацыі ад вераломнага ворага і жахлівага лёсу.

Запрашаем вас і вашых сяброў прыняць удзел у праграме шанаваньня памяці герояў гэтай гістарычнай падзеі.

Нядзеля, 4-га сьнежня

10:00 раніцы. Боская літургія і паніхіда: службы ў памяць аб загінуўшых героях Слуцкага Збройнага Чыну ў царкве Сьвятой Жыровіцкай Іконы Божай Маці па адрасе 9 River Road, Highland Park, NJ 08904.

12:30 апаўдні. Памятныя праграма, якая ўключае фільм пра Слуцкі Збройны Чын ды мастацкую выставу беларускіх мастакоў.
 
Наведвальнікі будуць мець магчымасьць паласавацца смачнымі стравамі.

Адразу пасля набажэнства сябры Беларуска-Амэрыканскага Задзіночаньня Беларускага Моладзевага Руху будуць сумесна ўдзельнічаць ва ўрачыстай цырымоніі ўскладаньня вянкоў да помніка беларускіх вайнаў-герояў, на беларускіх могілках у горадзе East Brunswick, NJ.
 
 
 

Belarusan American Association  In  New Jersey