Радыё Свабода

"Злучаныя Штаты выказваюць глыбокае шкадаваньне ў сувязі з тым, што ўрад Беларусі распачаў першы судовы працэс над затрыманымі за ўдзел у пратэсьце 19 сьнежня. Мы і многія іншыя ў міжнароднай супольнасьці заклікалі да неадкладнага і безумоўнага вызваленьня ўсіх затрыманых і настойваем на спыненьні перасьледу грамадзянскай супольнасьці, незалежных СМІ і палітычнай апазыцыі. І мы паўтараем гэты заклік сёньня", – заявіў на брыфінгу ў Вашынгтоне прэсавы сакратар дзярждэпартамэнту Марк Тоўнэр.

28-гадовы Васіль Парфянкоў - першы, каго асудзілі за Плошчу-2010 па крымінальнай справе

У чацьвер суд у Менску пакараў дэмакратычнага актывіста Васіля Парфянкова чатырма гадамі калёніі строгага рэжыму за ўдзел у "масавых беспарадках" 19 сьнежня .

Нагадаем, што 19 лютага БелМув сумесна з нью-ёркскім аддзелам БАЗА праводзяць акцыю салідарнасьці ў Нью-Ёрку каля штаб-кватэры ААН.