| website languages: |
|---|
|
| Рэзалюцыя удзельнікаў 29-й Сустрэчы беларусаў Паўночнай Амэрыкі |
|
| Thursday, 09 September 2010 | |
|
Тэкст Рэзалюцыі, прынятай на 29-й Сустрэчы Беларусаў Паўночнай Амэрыкі ў Нью-Брансўіку.
РЭЗАЛЮЦЫЯ удзельнікаў 29-й Сустрэчы беларусаў Паўночнай Амэрыкі Мы, удзельнікі Сустрэчы беларусаў Паўночнай Амэрыкі, якія сабраліся ў Нью-Брансўіку, штат Нью-Джэрсі, 4 і 5 верасьня 2010 г. на традыцыйную супольную штодвухгадовую імпрэзу: • захоўваем і ўшаноўваем памяць беларускіх дзеячоў, што стварылі арганізацыі і запачаткавалі нацыянальную дзейнасьць сярод суродзічаў ў Паўночнай Амэрыцы; • вітаем усіх нашых сучасьнікаў-суродзічаў у Паўночнай Амэрыцы, на Бацькаўшчыне і ў сьвеце, якія падтрымліваюць ідэалы Акту 25 Сакавіка 1918 году, і асабліва ўсіх тых, што змагаюцца за ўжыцьцяўленьне ідэалаў Акту 25 Сакавіка; • адзначаем, што беларусы Паўночнай Амэрыкі падтрымліваюць ідэю Незалежнасьці Беларусі, яе нацыянальныя мову і культуру, імкнуцца дапамагчы дэмакратычным сілам аднавіць правы і свабоду яе грамадзянаў, надаць належную ўвагу беларускай культуры ў Беларусі, пазбавіць ад дыктатарскага рэжыму ды паспрыяць уваходу Беларусі ў склад эўрапейскай і сусьветнай дэмакратычнай супольнасьці; • асуджаем сёнешні антынацыянальны аўтарытарны рэжым у Беларусі, які вядзе да застою ў эканоміцы, падаўляе канстытуцыйныя свабоды і вынішчае беларускую культуру; • заклікаем урады ЗША і Канады ўзмоцніць дапамогу нацыянальным дэмакратычным сілам у Беларусі і падвысіць узровень заангажаванасьці ў справе садзейнічаньня аднаўленьню правоў і свабодаў для ейных грамадзянаў; • заклікаем усіх беларусаў і выхадцаў зь Беларусі ў Паўночнай Амэрыцы, а працягваць дапамагаць дэмакратычнай апазыцыі Беларусі ў форме далучэньня да беларускіх арганізацыяў, збору фінансавых сродкаў, падтрымкі заканадаўчых ініцыятываў датычных Беларусі, удзелу ў кампаніях салідарнасьці й пратэсту, працы з сваімі сэнатарамі й кангрэсмэнамі, інфармаваньня іх пра становішча ў Беларусі, падкрэсьленьня адмоўнай ролі Расеі ў беларускім пытаньні. Толькі разам, мы ўсе, каму дарагая Беларусь і ейная будучыня, адставіўшы спрэчкі і непаразуменьні, зможам дабіцца салідарнасьці беларускіх сілаў у Паўночнай Амэрыцы і замежжы, зможам дапамагчы як сабе, так і нашай Бацькаўшчыне. |
| < Prev | Next > |
|---|
