Беларускі Музэй у Нью-Ёрку

Напрыканцы мінулага году Беларускім Музэем у Нью-Ёрку і прадстаўнікамі беларускай дыяспары была дасягнута прынцыповая дамоўленасьць аб перадачы бюста аднаго з найбольш вядомых беларускіх пісьменьнікаў, як яго называюць у нашай краіне, сумленьню Беларусі Васілю Быкаву аднаму з найбольш вядомых унівэрсітэтаў Нью-Ёрку. Бюст нашаму пісьменьніку будзе ўсталяваны ў сусьветна вядомай бібліятэцы Калямбія Юнівёрсіці.

І вось нарэшце знакавая для ўсёй беларускай грамады Амэрыкі ды і, бадай, для ўсіх беларусаў сьвету падзея адбудзецца ўжо ў бліжэйшую сераду 21 красавіка.

У адкрыцьці прымуць удзел аўтар бюста Васілю Быкаву скульптар і мастак Алесь Шатэрнік, які зараз знаходзіцца ў Злучаных Штатах, ды вядомы беларусазнаўца старшыня Беларускага Інстытуту Навукі і Мастацтва Вітаўт Кіпель.

Запрашаем усіх беларусаў Нью-Ёрку і навакольля прыняць удзел ва ўрачыстай цырымоніі і паведамляць пра падзею сябрам ды знаёмым.

Падыходзьце калі ласка да 12.25 да будынку бібліятэкі.

Сустрэнемся, Сябры!

Месца правядзеньня цырымоніі: Калюмбійскі Унівэрсітэт, Нью-Ёрк Сіці (перакрыжаваньне 118-й вуліцы і Амстэрдам Авэню)

Дата: 21 красавіка, 2010, серада.
Час: 12.30 рм - 13.30 рм.

На фота: бюст Васіля Быкава на 27-ай сустрэчы беларусаў Паўночнай Амэрыкі