|
Для грамадзяніна ЗША кошт візы ў Беларусь - каля 400 даляраў |
|
|
Thursday, 14 January 2010 |
З 1 студзеня ў Беларусі пачала дзейнічаць Спецыяльная частка Падатковага кодэкса. У адпаведнасці з ім вырас кошт віз для людзей, якія збіраюцца наведаць Беларусь.
Так, для тых замежных грамадзян з краін, дзе ёсць беларускае консульства, але хто вырашыў адкрыць візы непасрэдна ў аэрапорце “Мінск-2”, кошт візавых паслуг вырас з 60 да 180 еўра. З 60 да 90 еўра вырас кошт віз для грамадзян краін, дзе такога консульства няма.
Для грамадзян ЗША беларуская віза зараз каштуе 275 еўра (прыкладна 385 амэрыканскіх даляраў).
Пры гэтым кансуляты Беларусі ў краінах ЕС сталі выдаюць толькі звычайныя візы за 60 еўра, а магчымасцяў выдаваць больш танныя турыстычныя візы іх пазбавілі. |
