28 Верасеня ў адзін час з людзьмі Беларусі, што выйшлі на пляц Каліноўскага ў Менску, ля будынку ААН у Ню-Ёрку і каля Беларускай амбасады ў Вашынгтоне Беларускі Моладзевы Рух Амэрыкі ладзіў дэманстрацыі пратэсту супраць ілжывых парляменцкіх выбараў у межах кампаніі "Байкот-2008".

 Шаноўны прэзыдэнт Буш

Шаноўны cэнатар МакКэйн

Шаноўны cэнатар Абама

Як Вы ведаеце, 28-га кастрычніка беларускія людзі павінны былі выбіраць свой Парлямэнт. Але, на вялікі жаль, дыктатар скраў гэтае права ў людзей Беларусі. Нават яшчэ да самога дня выбараў стаў вядомы новы склад беларускага парлямэнту. Гэта папросту дыскрэдутуе саму ідэю выбараў.Падчас выбарчай кампаніі рэжым Лукашэнкі неаднаразова брутальна парушаў канстутыцыйныя ды выбарчыя правы беларусаў. З-за таго што беларускія медыі знаходзяцца пад кантролем рэжыму Лукашэнкі, дэмакратычныя кандыдаты ня мелі роўнага доступу да СМІ ў параўнаньні з кандыдатамі ад улады. Падчас выбарчай кампаніі сотні дэмакратычных актывістаў былі зьбітыя, арэставаныя ды падвяргаліся перасьледу, некаторыя зь іх былі зволены з працы з-за сваіх палітычных поглядаў.

Той факт, што сябры апазыцыйных партый ды недзяржаўных грамадскіх арганізацыяў былі амаль пазбаўлены магчымасьці ўдзельнічаць у працы акруговых ды выбарчых камісіяў, а таксама тое, што людзі прымусова заганяліся на датэрміновае галасаваньне, не магло не паўплываць на вынікі парлямэнцкай кампаніі.